Vëllai i Liridona Ademajt, Leonard Ademaj ka njoftuar se së bashku me hetuesit kanë intervistuar të dyshuarit për vrasjen e saj.

Ai tha se për të respektuar sekretin hetimor dhe procedurën penale, ne nuk do të komentojmë përmbajtjen e deklarimeve.

Por, tha se janë të të kënaqur me mënyrën se si prokurorja ka organizuar intervistimin e tyre dhe se kanë besim të plotë në të, shkruan Arbresh.info

Ademaj tha se drejtësia duhet dhe do të triumfojë, për Liridonën dhe për të gjitha gratë dhe vajzat e vrara.

Postimi i tij:

këtë javë prokurorja e rastit së bashku me hetuesit kanë intervistuar të dyshuarit për vrasjen e Liridonës tonë. Ashtu siç parashihet me ligj, ne si familje kemi marrë pjesë në intervistim përmes avokatit tonë.
Për të respektuar në plotni sekretin hetimor dhe procedurën penale, ne nuk do të komentojmë përmbajtjen e deklarimeve.
Mirëpo, duam ta përmendim që jemi të kënaqur me mënyrën se si prokurorja ka organizuar intervistimin e tyre dhe kemi besim të plotë në të.
Drejtësia duhet dhe do të triumfojë, për Liridonën tonë dhe për të gjitha gratë dhe vajzat e vrara.

Mbrëmjen e 29 nëntorit, në Prishtinë është vrarë 30-vjeçarja, Liridona Ademaj.

Rasti fillimisht u cilësua ‘Grabitje e armatosur me pasojë vdekjen’, pasi të dyshuarit, Granit Plava, Kushtrim Kokalla dhe bashkëshorti i së ndjerës, Naim Murseli, kishin inskenuar ngjarjen që të paraqitet si grabitje e armatosur.

Lidhur me vrasjen e Liridona Ademajt deri tani janë arrestuar katër persona, në mesin e tyre është edhe bashkëshorti i saj, Naim Murseli./Arbresh.info/